شوفو البخلاء والتسقريم ديال بالصح تفضلوا....

5معلمين تيريحوا فمقهى تيطلبوا 1عصير ليمون و5 مصاصات ب5 دراهم ردوا مول المقهى ب6دراهم زادوا معاهم واحد ودمونداو مصاصة أخرى

واحد المعلم مريح فقهوة دومندا كوكا نزلها قدامو حتى يتصور معاها خوه فالحرفة دايز جر كرسي وريح معاه

شي رابيل هدا مني طالب كوكا وهي نجيب شي كاس تكب لي

منا قش فيها أنا وفلان والنص ديالي هو التحتاني

لخر مكانش من العاكزين جبد جعبة الستيلو ودخلها فالقرعة حتى التحت وبدا تيمص

واحد شعل التلفزة مالقى فيها ما يتشاف هزها داها لمحل الإصلاح ، حلها مالقى حتى شي بياسة خاسرة قال ليه التلفزة ما فيها والو خدامة أمارش مكاين حتى مشكل ، قال ليه الله يرحم الوالدين بدل لي ديك البياسة ديال البرامج راه ما كاين حتى شي برنامج تيفرح واش ممكن

واحد ممصواب موالو معروف عليه مع اصحابو معندوش ديك اصباح الخير ، مبروك العيد مبارك لعواشر تيعرف غير الهضرة الخاسرة خاسر واحد الصديق ديالهم توفى ليه الأب ديالو وداوه معاهم باش يعزيوه واتفقوا يعزيوا بلاما يسمعوا ليه الكلام اللي تيتقال ، داك الشيء اللي كان تقدم الأول وهو طالق ودنو مقفل والو الثاني الثالث إلخ لقى راسو برأس صاحبه وهو يقول ليه :الله يرحم اباك